Home»أدب الثورة»أسد القصّار: شو بخبر الياسمين؟!

أسد القصّار: شو بخبر الياسمين؟!

1
Shares
Pinterest Google+

أسد القصّار – الفيحاء نت

شو بخبر الياسمين ؟
عن ظلم بربوع الوطن !
عن عُمرْ خالي من الفَرَح !
كلو أسى وكلو مِحَن
عن شام كاسيها الحزن !

عن حلم حرية وكرامة
صرلو سبع سنين !!
شو بخبر الياسمين ؟!
عن عين دابت بالسجن
خلف الأسر والمعتقل !!؟
عن دار راحت بالقصف
لأجل الزعيم يظهر بطل ؟!
عن شعب .. مدمَّيَ الجبين
جوا الوطن .. هم نازحين !!
برا الوطن .. هم نازحين !!

شو بخبر الياسمين ؟!
عن ثورة متنا لأجلها ..
تعلى وتشعع رايها ..
وتشرق شمسها عالوطن
ونسمع لحن من نايها !!
باعوها بأسواق النخاسة
مرة باسم المصلحة
ومرة باسم الدين
شو بخبر الياسمين ؟!!

رح خبر الياسمين …
إنو الشعب ما بينهزم ..
وعالثورة باقي ما ندم
رغم الجراح رغم الألم ..
صامد متل نور الصباح
يشرق بنورو عالعتم

قدرك يا شعبي هوة .. هالثورة
دمك ولحمك هية .. هالثورة
سجدة بصلاتك هية .. هالثورة
علم ولادك انو .. بالثورة
وبالثورة بس.. بزهر الياسمين !!

تعليقات فيسبوك
Previous post

النظام يلغي ضرائب الملاهي الليلية ويفرضها على مربي الأبقار

Next post

الاتحاد الأوروبي: لا عودة للسوريين في لبنان إلا بنجاح جنيف